Vertigo Club

Dhe sa më lartë të jesh, kuptohet vetvetiu, aq më e bukur pamja, dhe si rrjedhojë edhe rritja e popullaritetit të barit në majë të ndërtesës. Gjendesh atje, me një gotë elegante në dorë, duke qëndruar mbi rrugët, si pjesë e vijës së horizontit. Kaosi dhe zhurma e qytetit poshtë teje duket mrekullisht e largët dhe nuk mund të ndjesh veçse një drithmë të vogël, një murmurimë. Bangkoku është i bekuar më një sërë baresh të tillë. Më i famshmi prej këtyre është shumë mundësisht Vertigo, ngritur 61 kate mbi qytetin, në çatinë e Hotelit luksoz Banyan Tree Hotel. Është një vend mahnitës, në çdo kuptim, i dizenjuar me shije dhe i hapur kundrejt yjeve. E vërtetë, koktejlet do t’ju stepin pak, por ia vlen nëse merr parasysh atë që të rrethon. Pamjet janë të mahnitshme në kuptimin më të drejtpërdrejtë të fjalës, ato ngjallin ndjenja mahnitjeje. Bangkoku shtrihet i gjithi përpara jush: me përdredhjen e lumit Chao Praya dhe shkëlqimin e qytetit nën dritën e hënës.