Topi: Bashkepunimi maxhorance-opozite,rifillim i kthimit ne normalitet

Presidenti i Republikes,. Bamir Topi i dha sot nje interviste gazetarit Armand Mero, per “Zerin e Amerikes”.

 

 

Presidenti Topi: Une ndaj te njejtin mendim me ju qe viti 2011 u karakterizua nga episode absolutisht te pakendshme, qe u shkaktuan, sipas meje, nga mungesa e komunikimit politik, nga konfliktualiteti politik, dhe ajo mungese bashkepunimi, qe nuk eshte e natyrshme ne nje vend demokratik. Une gjithmone kam shpresuar, dhe tek e fundit, e shohim te realizuar, qe ka nje rivendosje te komunikimit, te dialogut. Ceshtja e produktit eshte serish ceshtje e vullnetit te forcave politike parlamentare. Fakti qe jane ulur per te diskutuar per reformen zgjedhore, fakti qe jane miratuar disa ligje, te cilat nuk mendoheshin qe te aprovoheshin ne Parlament, tregon se gjerat kane filluar te rivijne ne normalitet. Eshte vetem nje rifillim i ketij kthimi ne normalitet. Duhet te presim per te pare vazhdimesine e angazhimit dhe detyrimit qe kane partite politike per te mos krijojuar pengesa te kesaj natyre, sepse vertete dialogu apo debati politik mund te kene emocione politike, por mbrapa vendimmarrjeve parlamentare, ka ceshtje shume te rendesishme, qe kane te bejne me shtetin, kane te bejne me institucionet, kane te bejne me funksionimin e disa strukturave, te cilat jane me rendesi te jashtezakonshme per demokracine. Kam parasysh ketu jo vetem ate qe pame te miratohet si Institucioni i Avokatit te Popullit, qe eshte jo vetem nje institucion i rendesishem ne demokraci, por eshte institucioni qe mendohet se eshte me drejtperdrejt dhe me afer qytetareve. Por besoj edhe ne momente te tjera qe kane te bejne me Gjykaten Administrative. Une uroj dhe shpresoj qe ne vijim te ketij komunikimi dhe bashkepunimi, palet te gjejne vullnetin per ta miratuar, sepse eshte nje nevoje e domosdoshme e sistemit gjyqesor ne Shqiperi, por dhe e nevojes se qytetareve, biznesit, per ta ndare nga ajo mori ceshtjesh qe gjykata, apo sistemi i drejtesise, kane qene te detyruara t’i trajtoje ne menyre shume komplekse. 

 

 

Presidenti Topi: Me lejoni te ritheksoj, nisur edhe nga pyetja qe ju beni, qe vazhdimisht une kam apeluar per nevojen e realizimit te censusit. E them kete per te kundershtuar disa insinuata qe jane bere ne momente te caktuara, duke aluduar qe Presidenti ka qene kunder procesit te censusit. Fakti qe Presidenti e ka dekretuar ligjin pa asnje lloj medyshjeje, tregon qe vullneti i Presidentit ka qene dhe eshte qe procesi i censusit te realizohet, natyrisht te realizohet mbi bazen e Kushtetutes, te ligjit, por edhe te nje metodike. Une besoj qe ajo qe eshte realizuar, tani eshte ne dore te institucioneve te specializuara. Une nuk besoj qe eshte momenti tani qe te bej analiza te pjesshme. Fakti qe ky proces vazhdon te perpunohet, dhe vetem nje pjese e censusit ka dale ne pah, une do te preferoja qe te beja nje koment te plote, ne castin kur institucionet e specializuara, do te bejne perfundimet e tyre per te na dhene mundesine qe edhe analiza te mos jete e pjesshme, por te jete komplekse. Une kurrsesi nuk do te mendoja qe procesi i censusit te deformohet nga pasione apo nga kendveshtrime politike. Ceshtja e censusit eshte nje ceshtje qe vjen, sikurse thashe, mbi bazen e ligjit dhe te nje metodike qe une shpresoj qe te jete shkencore dhe reale.

 

 

Presidenti Topi: Se pari, une do te thoja qe kam ardhur ne Presidence duke zbatuar nje detyrim kushtetues, per te lene pozicionin qe une kam pasur ne Partine Demokratike. Se dyti, pavaresisht se cila do te jete e ardhmja e individit Bamir Topi, une nuk mendoj qe demokracia dhe demokratet ndodhen vetem neper institucione. Demokratet jane ne terrenin shoqeror, jane ne terrenin publik, ata i takojme cdo dite. Dhe une do te thoja qe nuk shkon shume ai termi i perdorur, pasi ne demokraci cdo individ e ka terrenin te hapur. Vetem atehere, kur ne do te arrijme standardet me te larta te demokracise, atehere do te kuptojme qe demokracia, qofte edhe politika, qofte edhe biznesi, qofte edhe cdo veprimtari tjeter jetesore, eshte nje ceshtje konkurence reale. Le t’ia leme perspektives per te vleresuar e per te gjykuar ecurine e seciles karriere, qofte kjo individuale, por qofte edhe ne grup!

 

 

Presidenti Topi: Nisur nga pozicioni qe kam, nisur edhe nga aludimet e shumta qe mund te ekzistojne, nisur edhe nga insinuatat, nuk besoj qe intervista e sotme do te plotesoje kerkesen per te dhene nje pergjigje ne funksion te kesaj qe pyesni. Eshte nje teme shume e rendesishme, por qe kerkon nje moment tjeter per t’u diskutuar, sepse sigurisht qe ka argumente, edhe pro, edhe kunder. Duhet te kete nje debat me profesional dhe besoj se askush nuk duhet te orientohet, sikurse thashe, nga vullnete te deformuara politike, per t’i percjelle ne publik ashtu sic I kerkon nje individ i caktuar. Une besoj qe eshte nje teme e rendesishme qe nuk i shkon per shtat kesaj interviste qe po realizojme sot.

 

 

Presidenti Topi: Une nuk do ta konsideroja atributin qe ka Kryetari i Shtetit per ta ndare nje pozicion me shoke e me miq. Absolutisht! Por ka qene vleresimi im, vleresim qe qendron edhe ne kete moment qe po diskutojme per te dyja kandidaturat, sepse se pari Presidenti ka te gjithe atributin kushtetues per te bere vleresimin e parametrave ligjore qe duhet te kete kandidati per te shkuar atje. Qe prej momentit kur kandidati i ploteson keto standarde, keto kerkesa, atehere cdo njeri ka te drejte te konsiderohet si i pershtatshem, per te realizuar nje gare te caktuar. Aq me teper qe te dyja kandidaturat kane te njejten stature politike dhe une do te thoja se kane demonstruar me shume se sa nje impenjim politik, nje impenjim qytetar, kane deshmuar karakter dhe aftesi per te realizuar nje detyre te caktuar. Fakti qe diferenca nuk u be nga Presidenti, por u be nga Parlamenti per keto dy kandidatura, qe kishin te njejten stature, ju problemin ose shpjegimin duhet ta kerkoni atje. Une kam pasur dhe vazhdoj te kem respekt per te dyja kandidaturat, per te cilat jam motivuar per t’ia propozuar Parlamentit per te qene ne krye te institucionit te Kontrollit te Larte te Shtetit.

 

 

Presidenti Topi:Se pari une do te thoja qe partite politike parlamentare duhet te jene ne unison kur vjen ceshtja per te realizuar reforma dhe procedura qe do te luftojne kete semundje, e cila po kthehet ne nje semundje kanceroze per institucionet dhe shoqerine shqiptare. Pra kete e shikojme ne fusha te ndryshme dhe une besoj se nuk ka gje me te rendesishme se sa partite politike. Ekspertet duhet te bashkepunojne ngushtesisht per te qene, sikurse e thashe ne nje front jo vetem per ligjet, por edhe per zbatimin e ligjit. Dhe per kete une besoj se duhet te ndergjegjesohen te gjitha institucionet. E kam thene dhe e them edhe sot ketu: veprimi i pare, qe eshte shume domethenes, duhet te vije nga vete politikanet, nga perfaqesuesit e institucioneve, nga gjyqtaret, nga prokuroret, per te lene perfundimisht imunitetin e tyre, per te qene njesoj se bashku me qytetaret. Dhe pastaj, ne rast se do te kete nje fryme te tille bashkepunimi, ku ligji te jete ai qe duhet te mbizoteroje dhe ku te mos kete asnje lloj shansi per ta pasur nderhyrje, te cilesdo natyre, une besoj qe Shqiperia i ka te gjitha mundesite qe te zhvilloje nje beteje shume te suksesshme ndaj korrupsionit.

 

 

Presidenti Topi: Une se pari deshiroj te them qe Presidenti respekton pavaresine e sistemit gjyqesor. Pra, ka nje procedure kushtetuese qe e detyron dhe i jep mundesi Presidentit qe te propozoje kandidaturat per anetare te Gjykates se Larte dhe Kushtetuese, por eshte Parlamenti ai qe jep pelqimin. Pra eshte nje procedure qe e ndan Institucioni i Presidentit dhe Institucioni i Parlamentit. Une, persa i perket menyres apo performances se secilit gjyqtar, pastaj eshte nje ceshtje qe kalon pertej mundesise se Presidentit, per te kontrolluar nje institucion te caktuar. Kete une mund ta vertetoj me ate qe ndodh ne Keshillin e Larte te Drejtesise. Keshilli i Larte i Drejtesise eshte nje organ kolegjial qe vjen dhe formohet si trupe nga institucione te ndryshme: vjen nga Parlamenti, vjen nga Konferenca Gjyqesore. Aty eshte Presidenti, eshte Ministri i Drejtesise, eshte Kryetari i Gjykates se Larte, pra eshte nje trupe mjaft komplekse. Dhe disa ceshtje, per te cilat Keshilli i Larte i Drejtesise ka marre nje pozicion te caktuar, prape ka qene pjese e gjykimit nga sistemi gjyqesor dhe posacerisht nga Gjykata e Larte. Dhe asnjehere, ndonese disa vendime te Gjykates se Larte kane qene ndryshe nga Keshilli i Larte i Drejtesise, ne nuk e kemi pasur ate shans, ate luks, sepse nuk ta lejon pikerisht ndarja dhe balancimi i pushteteve qe te bejme komente per vendimet e Gjykates se Larte. I takon cdo gjyqtari, i takon trupes, organizimit, moralit dhe integritetit te cdo gjyqtari qe te jete konform me detyrimin ndaj ligjit, por edhe me moralin si gjyqtar. Dhe besoj qe kjo eshte nje ceshtje qe i takon moralit te shoqerise qe te gjithe te bejme te mundur, qofte si institucione, qofte si aktore te drejteperdrejte te sistemit te drejtesise, qofte edhe njerezit e thjeshte ne public, qe te ushtrojne nje presion te gjithanshem, per te minimizuar te gjitha ato fenomene qe sot njihen me emrin korrupsion.

 

 

Presidenti Topi: Ne e ndjekim situaten. Sigurisht qe shifrat jane gjithmone ato, tek te cilat ne duhet te orientohemi. Une si President, patjeter qe kam edhe kendveshtrime te tjera qe vijne edhe nga problemet qe ka ne shoqeri. Pra, une praktikisht mendoj se menyra e sjelljes se institucioneve shqiptare ndaj krizes globale ka qene e duhura. Nga ana tjeter, duhet pare me shume interes edhe niveli ekonomik i mjaft familjeve, te cilat realisht kane problemet e tyre, veshtiresite e tyre. Keshtu qe besoj, kur flasim per ekonomine, duhet te flasim ne menyre me komplekse, por gjithsesi, sikurse thashe, shifrat e paraqitura, edhe te certifikuara nga institucione nderkombetare, bejne te mundur per te thene qe krahasimisht me ate qe shohim, Shqiperia eshte ne nje pozicion ku patjeter duhet te ndihemi mire, relativisht mire, por me vemendjen per te perballuar ate situate qe vjen, edhe nga situate ekonomike ne vendet fqinje, por sikurse thashe, per te pare edhe pak me gjere situaten sociale ku mjaft familje, vertete e shikojme, e ndiejme, e degjojme, edhe neper intervista te drejteperdrejta, ndihen ne veshtiresi ekonomike.

 

 

Presidenti Topi: Une, se pari do te uroja te gjithe shqiptaret, kudo ku jetojne, te kene shendet, te kene harmoni familjare, te kene harmoni mes njeri-tjetrit! Do t’u uroja institucioneve qe te behen me te forta! Do t’i uroja politikes qe te jete me bashkepunuese! Dhe do ta konsideroja vitin 2012 si nje vit te jashtezakonshem per shqiptaret ne 100-vjetorin e Pavaresise. Eshte nje vit i mbushur me mundesi te medha per veprimtari, sepse cdo figure qe ka kontribuar ne historine njeqindvjecare te Shqiperise, ka nevoje te merret ne konsiderate. Cdo ngjarje ka nevoje qe te ekspozohet tek brezat e rinj. Njeqind vjet per nje komb, patjeter qe jane mjaft te rendesishme, por duhen pare edhe momente, te cilat kane nevoje qe te vendosen ne piedestal. Nga casti i Pavaresise deri ne castin e mundesise se madhe per integrim ne Bashkimin Evropian, nga casti i Pavaresise deri ne kete cast, kur ne gjykojme se jemi nje vend me shume se kurre, edhe juridikisht prane Evropes, mendoj qe eshte cast qe duhet te ekspozohet para shqiptareve, sepse te gjithe kane nevoje edhe per caste te bukura ne jeten e tyre. Problemet qe vijne nga debatet e ashpra politike, patjeter qe duhet te mbizoterohen nga ngjarje pozitive dhe kjo i jep vitit 2012 nje shans shume te madh per te qene nje vit optimist.

 

 

Presidenti Topi: Gezuar edhe ju!