Interviste/ Rregullorja e re e Kodit Rrugor dhe gjobat

Ekskluzive/Gjate nje interviste per “Infoalbania”, z.Qamil Sadiku, Shef i Sektorit te Analizes dhe Statistikes ne Drejtorine e Pergjithshme te Policise Rrugore ka bere nje analize te hollesishme te permbajtjes se rregullores se re ne Kodin Rrugor.

 

 

Mbeshtetur ne pervojen e vendeve te Bashkimit Europian, grupet e punes me specialistet dhe ekspertet e Policise Rrugore, te Ministrise se Puneve Publike e te Transportit, te shoqerise civile dhe te eksperteve nderkombetare qe asistojne policine e shtetit evidentuan  si domosdoshmeri amendimet ne Kodin Rrugor te disa neneve, kryesisht  te disa normave qe kane sjelle dhe pasojat me te renda per jeten dhe sigurine rrugore ku vecojme: Perdorimi i pijeve alkoolike, drejtimi i mjeteve nga persona te pa pajisur me  lejedrejtim, mosvendosja e rripit te sigurimit, mosvendosja e kaskes mbrojtese, parakalimi i gabuar,  shpejtesia tej normave te lejuara etj. Keto amendime  dhe te tjera te miratuara me Ligjin nr.10 488 date 5.12.2011 “Per disa ndryshime dhe shtesa ne ligjin nr. 8378, date 22.07.1998 “Kodi rrugor i Republikes se Shqiperise te ndryshuar”. Ndryshimet sjellin disa risi: Saktesimi i pergjegjesive ligjore ne rastet e dhenies se mjetit personave te pa pajisur me leje drejtimi.  Eshte percaktuar procedura  kur  nuk vleresohet  dhenie e mjetit si dhe sanksionet per rastin e dhenies se mjetit, jane gjobe nga njezet e pese mije deri ne njeqind mije leke si dhe pezullimin e  lejedrejtimit deri ne nje vit per pronarin apo zoteruesin material te mjetit. Pergjegjesia per mosperdorimin e rripit te sigurimit nga drejtuesi i mjetit, per personat ne mjet nen moshen ligjore. Parandalon shume veprime deri abuzive apo korruptive edhe te punonjesit te policise rastet e aplikimit te masave plotesuese qe kane te bejne me mjetin ose dhe drejtuesin e mjetit, pasi  ne ligj jane percaktuar sakte dhe qarte procedurat per cdo veprim ( p.sh heqja e mjeteve me karrotrec vetem aty ku ka sinjalistike te percaktuar qarte per heqje te tille apo rastet e aplikimit te ndalimit administrativ ose bllokimit te mjetit etj.) Perpilimi dhe dokumentimi i procesverbalit te konstatimit te shkeljes  ne rruge elektronike, duke shmangur kontaktet e punonjesit te policise me kundervajtesin por dhe duke i hequr mundesine policise per diferencimin e verbalizmit te shkeljes te drejtuesve te mjeteve per shkeljet e kryera ne fakt e te dokumentuara ne menyre elektronike. Stimulimi i pageses se gjobes nga kundervajtesi brenda afatit ligjor( 5 diteve) duke ulur me 20% vleren e gjobes. Keto amendime jane bere me synimin e vetem per rritjen e edukates rrugore dhe parandalimin e per pasoje uljen e ngjarjeve aksidentale e te pasojave te tyre nepermjet forcimit te masave ndeshkimore, por dhe rritjen e transparences se veprimeve te punonjesve te policise ne  zbatimin e ligjit.

 

 

Ne ndryshimet e bera si me siper, gjobat jane rritur 2 here, ndersa ato maksimale jane ne nivelin 3 here te vleres minimale. Konkretisht: ne qofte se per nje shkelje te caktuar gjoba minimale ka qene 250 leke, aktualisht tani do jete 500 leke, ndersa vlera maksimale do jete 1500 leke. Kjo ben dhe ngushtimin e diapazonit mes gjobes minimale e asaj maksimale..

 

 

Vetem kapitulli i Normave te Sjelljes ka 53 Nene te tilla me sanksionet perkatese me gjobe e masa suplementare.  Nga 40 nenet qe ka Ligji per  ndryshimet e miratuara, 24 prej tyre parashikojne sanksione me gjobe. Theksojme se sic e shprehem dhe me lart, gjobat sipas Kodit Rrugor me ndryshimet e miratuara fillojne nga peseqind leke deri ne dyqind mije leke. Kufiri maksimal mund te kalohet vetem kur behet fjale per masa proporcionale ose per shume shkelje njeheresh. Ne ndryshimet e miratuara, psh. per tejkalim shpejtesie  me mbi 20 km/ore gjoba eshte deri pesembedhjete mije leke si dhe pezullimi i lejedrejtimit nga nje deri ne tre muaj.  

Ne qofte se shkelja eshte kryer nga nje drejtues mjeti qe e zoteron lejedrejtimin prej me pak se 3 vjetesh, pezullimi i lejedrejtimit behet per tre deri gjashte muaj. Per parakalimet e gabuara, sipas rastit konkret, gjoba varion nga njemije deri gjashtemije leke. Per transportin e njerezve ne autovetura, mbi numrin e lejuar ne lejeqarkullim, gjoba eshte nga dymije deri ne gjashtemije leke.  Qarkullimi me nje mjet transporti te pa pajisur me takograf apo kur takografi nuk funksionon, ose kur nuk eshte futur letra e regjistrimit apo karta e takografit te drejtuesit,  mase e  gjobes eshte nga tridhjete mije deri ne njeqind e njezete mije leke, e cila  dyfishohet, kur jane prekur vulat ose eshte ndryshuar takografi.  Mos perdorimi i rripit te sigurise dhe sistemeve te fiksimit, te parashikuara per pasagjeret deri ne 12 vjec,  masa administrative me gjobe  eshte nga peseqind deri ne nje mije e peseqind leke. Kur shkelja i takon nje femije ne moshe jo madhore, pergjegjesia bie mbi drejtuesin e mjetit ose, kur ndodhet ne castin e kryerjes se shkeljes, mbi ate qe eshte ngarkuar me mbikeqyrjen e kesaj femije. Drejtimi i nje mjeti nen ndikimin e alkoolit, ndeshkohet me gjobe nga dymije deri ne pesembedhjete mije leke dhe mase administrative plotesuese pas verifikimit te shkeljes, te pezullimit te lejedrejtimit nga 6 muaj deri ne 1vit etj,etj

 

 

Ne te gjitha rastet ku arketimi i vleres se gjobes nga kundervajtesi behet brenda 5 diteve nga dita qe vendimi ka marre forme te prere, gjoba ulet me 20% te vleres.

 

 

Krahas permiresimeve te bera ne kete drejtim, pergatitja nga Ministria e Puneve Publike dhe Transporteve e “Manualit te Sinjalizimit Rrugor” sipas gjithe standardeve me te mira nderkombetare dhe miratimi i tij me VKM, si pjese e Rregullores ne zbatim te Kodit Rrugor sjelle ndryshime pozitive ne projektim dhe kompletim te rrugeve tona me sinjale e shenja perkatese e bashkekohore. Zbatimi me korrektesi i ketyre dhe ndryshimeve te tjera te  Kodit Rrugor, kerkojne dhe per kete po punohet fort ne te gjitha nivelet e strukturat tona, qe te gjitha sherbimet e Policise se Shtetit e ne vecanti ato te Policise Rrugore te manifestojne  profesionalizem, etike dhe shkalle te larte perfaqesimi, duke rritur ne menyre te ndjeshme cilesine e ketij sherbimi kaq te ndjeshem dhe te domosdoshem per te gjithe qytetaret e vendit tone. (Blerina Luli/Infoalbania)