Tahiri: Kosova duhet te perfaqesohet si shtet sovran

E Shtune, 28 Janar 2012 10:08

KOSOVE - Zevendeskryeministrja, njeheresh kryenegociatorja ne bisedimet Kosove-Serbi, Edita Tahiri zhvilloi nje bisede telefonike me ndermjetesin europian Robert Cooper ne kuader te pergatitjeve per raundin e ardhshem te dialogut teknik.

Temat kryesore te bisedes, sic theksohet ne nje komunikate per media, ishin ceshtja e bashkepunimit rajonal, situata ne zbatimin e marreveshjeve si dhe procesi i finalizimit te protokollit teknik te marreveshjes se IBM-it.

Me kete rast, Tahiri ritheksoi perkushtimin e Qeverise se Kosoves per progresin e dialogut teknik si nje mundesi e mire per t’i zgjidhur ceshtjet praktike mes dy shteteve, ne interes te qytetareve dhe integrimeve europiane e euro-atlantike.

Lidhur me ceshtjen e bashkepunimit rajonal, Tahiri, sic raportohet, theksoi se Kosova duhet te marre pjese si shtet i pavarur dhe sovran, me simbolet e saja shteterore dhe te jete nenshkruese e marreveshjeve rajonale si dhe hodhi poshte propozimet e Serbise per cfaredo referencash qe nuk perkojne me realitetin duke thene se Rezoluta 1244 eshte e tejkaluar juridikisht dhe politikisht.

Duke folur per zbatimin e marreveshjeve, kryenegociatorja Tahiri vleresoi fillimin e zbatimit te marreveshjeve mirepo potencoi pengesat evidente me theks te vecante ne marreveshjet per levizjen e lire te qytetareve dhe ajo per tregtine e lire te cilat po zbatohen pjeserisht nga Serbia me faktin ekzistimit te barrikadave dhe strukturave ilegale serbe.

Mes tjerash, ajo kerkoi nga BE-ja qe te beje presion te shtuar mbi Serbine per te hequr keto pengesa. Po ashtu kerkoi heqjen e tarifave per sigurimin e automjeteve dhe rritjen e dinamikave ne zbatimin e te gjitha marreveshjeve.

Kryenegociatorja Tahiri kerkoi qe sa me shpejte te pergatitet Protokolli i detajuar teknik i IBM-it dhe te nenshkruhet me se largu deri me 10 shkurt, ne menyre qe te fillon menjehere zbatimi i marreveshjes per Menaxhimin e integruar te kufirit ndershteteror mes dy vendeve.

Perparimet konkrete ne kete ceshtje do te tregojne vullnetin e vertete te paleve per kete standard evropian, deshmi kjo qe duhet te testohet nga BE-ja para mbledhjes se Keshillit te Ministrave ne fund te shkurtit me c’rast do te rishqyrtohet kandidatura e Serbise.

Sipas saj, rajonit i duhen politika europiane dhe jo politika penguese, ne fund te fundit kjo eshte pergjegjesi e secilit shtet, sepse integrimi sa me shpejte i rajonit ne BE eshte ne interes te paqes dhe stabilitetit rajonal, tha Tahiri dhe ftoi Cooperin ta vizitoj Kosoven ne ditet ne vijim.

Cooper nga ana e tij mori ne dijeni qendrimet dhe kerkesat e pales se Kosoves dhe premtoi angazhim per te perafruar qendrimet e paleve per ceshtjen e bashkepunimin rajonal, te cilat tani per tani jane shume larg njera tjetres. Ai po ashtu premtoi angazhimin e tij per te pershpejtuar procesin e zbatimit te marreveshjeve te arritura deri me tani. (B.L/Infoalbania)