Opinion/ Nje vit nga 21 janari, drejtesia ne vend numero

E Shtune, 21 Janar 2012 12:04

Nje vit nga demostrata e madhe e 21 janarit perpara kryeministrise me pasoje vdekjen e 4 personave, nje vit nga kjo dite ende pa emra fajtoresh, nje vit i plote i cili mbeti ne nje dite, me pas asgje thjesht heshtje per te verteten dhe akuza opozite-maxhorance per interesat e tyre politike.

Partia Socialiste fton cdo qytetar ne homazhin e 21 janarit, ne vendin e tragjedise, per te kujtuar deshmoret, per te respektuar familjet e tyre, per te nderuar traditen me te mire shqiptare ne nje pervjetor si ky, por mbetet vetem kaq thjesht nje kujtim dhe asgje tjeter.

Mund te zbulohet e verteta nepermjet homazheve perkujtimore? Pse duhet qe kjo dite te kujtohet vetem ne 21 janar dhe jo cdo dite te vitit te punohet nga drejtesia per te marre vesh te verteten, nje e vertete e cila mund t’ua lehtesonte ndopak dhimbjen familjareve te ketyre 4 personave te cilet u vrane pa asnje shkak ate dite duke lene pas femijet e tyre jetime, familjet e tyre me plage ne zemer dhe perse, per cfare, thjesht se protestuan duke menduar se kjo proteste do ju siguronte nje te ardhme me te mire.

Por ne fakt e ardhmja e tyre, e 4 deshmoreve te 21 janarit, emrat e te cileve jane ngulitur mire ne kokat tona Hekuran Dedes, Aleks Nikes, Faik Myrtajt dhe Ziver Veizit , filloi dhe mbaroi ne Bulevardin “Deshmoret e Kombit”.

E nderkohe qe ne mbajme fjalime dhe japim opinione mbi keto vrasje deri tani duket qarte qe nuk ka asnje gjase qe ky krim makaber te zbulohet.

Kjo ndodh se ketu ka munguar dhe mungon ende qendrimi i qarte dhe i hapur i nje bote demokratike, nje mbeshtetje e palekundur per nje hetim te drejtesise ne perputhje me Kushtetuten e me ligjin.

Shqiperia merr sot perdite prova tronditese te rreshqitjes drejt nje realiteti pa shtet, pa drejtesi, pa institucione dhe te vendosjes se nje regjimi metodash e teknikash mafioze per te asgjesuar lirine dhe demokracine e vertete.

Kjo ndodh sepse e vetequajtura politike e ketij vendi, nuk arriti te na jap ne shqiptareve nje shenje te ndertimit te nje shteti demokratik, sipas parimeve te njohura ku perparesi kane permbushjet e nevojave sociale te shtresave te neperkembura te shoqerise. Ne vend te tij, na dha struktura autokratike, qe pak po t’u cenosh rehatine e vjedhjes “me “duar te pastra”, sic ndodhi me 21 janar 2011, nxjerrin dhembet dhe te vrasin e te quajne “pucist” dhe “tradhetar”.

Pra, nese shteti hesht dhe drejtesia rri e veshtron e vetmja force e jona me te cilen ne mund te ngrime pak zerin mbeten vetem protestat te cilat deri me sot nuk ka mundur t’i pengoje apo thyeje njeri. Prandaj ato jane e vetmja mundesi soilidariteti me martiret e rene ne mbrojtje te principeve te se drejtes se tyre, ku drejtesine po e kerkojme me nje qiri te ndezur dhe nje lule te vendosur ne vendin e ngjarjes, thjesht duke menduar se keto plage te hapura mund te qetesohen pak nga dhimbjet. (Blerina Luli/Infoalbania)