Rina Bilurdagu, fituese e “The Voice of Albania”

E Shtune, 11 Shkurt 2012 10:23

Eshte Rina, fituesja e edicionit te pare te “The Voice of Albania”. Me trajnere Alma Bektashin, vajza nga Prizreni qe aktualisht studion per piano, grumbulloi numrin me te madh te votave te publikut, i cili pati fjalen e fundit ne perzgjedhjen e fituesit.

Cmimi i fituesit mundeson lidhjen e nje kontrate dy vjecare me “Universal Music”, cka perfshin kompozime kengesh dhe lancimin ne tregun nderkombetar.

Ishin kater finalistet, te cilet mberriten ne te premten e 17-te dhe te fundit te spektaklit: Rina Bilurdagu, Marsela Cibukaj, Lundrim Pacuku dhe Enrika Derza.

Pas nje perzgjedhjeje te pare gjate finales, fituesi u luajt mes Rines dhe Marseles, kjo e fundit ne skuadren e Elton Dedes.
Ne rrethin e pare te votimeve fituan Rina dhe Marsela, te cilat u perballen ne votimin final. Te gjithe kishin pritur nje fitore te lehte te Marseles, e cila me zerin e saj te jashtezakonshem arriti te pushtoje njerezit neper rrjetet sociale. Por, pesha e votimeve nuk varet nga rrjetet sociale dhe nga favorizimet e parakohshme, kete e tregoi Rina, e cila pas performances se saj spektakolare me kengen “Ain’t Another Man” arriti te mposhte Marselen, per t’u shpallur fituese e spektaklit.

Fituesi ishte nje, por cmime moren te katert finalistet: per secilin prej tyre “Universal Music” do te kompozoje nga nje kenge, te cilat me pas do te shperndahen ne rang nderkombetar, por jo vetem, per ta do te krijohen edhe kenge, me te cilat me pas do te marrin pjese ne “Top Fest 9” qe pritet te filloje se shpejti.

Ishin kater trajneret qe ndoqen kengetaret gjate ketyre javeve: Alma Bektashi, Miriam Cani, Sidrit Bejleri dhe Elton Deda. Ata performuan edhe ne kete nate te fundit, dy prej tyre me kenge te reja, qe u prezantuan per here te pare ne “The Voice Of Albania”: Miriam Cani dhe Eugent Bushpepa me “Pergjithmone” dhe Sidrit Bejleri me Kamela Islamaj “Me beso”.

Gare e gjate, pune, miqesi, emocione, spektakel dhe mbi te gjitha gjithmone ne kerkim te zerit me te mire, ne “talent show”-n ku ne fakt vetem ai ka rendesi.

Perfundon keshtu edicioni i pare i “The Voice of Albania”, per t’i lene vendin te dytit, se shpejti me audicione te reja.