Kanceri i gjirit ja si mundet bisha

E Shtune, 06 Mars 2010 10:54

Te prekurat nga kanceri i gjirit sa vjen e shtohen. Por kjo semundje mund te ndalet se qeni vdekjeprurese. Ne rast se ekzaminohet e trajtohet ne kohe, kanceri i gjirit eshte i sherueshem. Shpetoje jeten tende. Duhet thjesht pak kujdes.
Gjoksi eshte dhe nje pjese e trupit te femres qe preket shpesh nga tumori. Tridhjete per qind e semundjeve tumorale te femrave ne Shqiperi jane pikerisht tumor i gjirit dhe dhimbshem pranohet qe vdekshmeria nga kjo semundje eshte nder me te lartat. Nderkohe, ne shtetet e zhvilluara perendimore, kjo semundje eshte e perhapur shume me teper. Prandaj, prej kohesh, perpjekjet per kurimin dhe trajtimin e saj jane vene ne qender te punes se specialisteve. Mjekesia sot eshte e bindur qe kjo semundje eshte e kurueshme po te kapet ne kohe.
Shume gra, ne fakt, e kane mundur semundjen e kancerit te gjirit me ane te trajtimeve qe mundeson mjekesia dhe madje sot operacioni zhvillohet pa u hequr gjoksi. Por gjithmone varet nga koha kur gruaja vetediagnostikohet e pastaj trajtohet dhe nga besimi e bashkepunimi i ketyre femrave. Ne kontakt me trupin e saj, por dhe me ekzaminime te vazhdueshme (shqiptaret e kane te veshtire ne fakt te edukohen me kete), nje femer mund ta ndale semundjen para se te jete vone. “Nje grua mbi te dyzetat duhet te beje dy mamografi ne vit. Kane nje kosto jo fare te ulet, por qe nje gruaje do t’i kushtonte ne muaj aq sa i duhen per nje 8 Mars”, keshillon doktoreshe Mazreku. Dhe ky kujdes eshte ai me te cilin, sipas mjekeve, duhet te edukohet mbare shoqeria, sepse eshte nje forme e rendesishme per te ndaluar rrezikun qe vjen nga kanceri i gjirit, nje semundje qe priret te perhapet me shume. Kjo edhe per shkak te modernizimit te jetes (edhe kolorantet e flokeve apo kimikatet e trajtimeve kozmetike konsiderohen si faktore favorizues). “Periodat e ardhura ne moshe sa me te rritur dhe lindja para moshes 20 vjec i ul shume shanset qe nje grua ne te ardhmen te preket nga kanceri i gjirit. Por sot femrat lindjen e pare e bejne ne moshe me te madhe dhe per shkak te ekspozimit ne diell (nuk ka familje qe mos t’i coje femijet disa dite ne vit ne plazh) dhe dietes hiperkalorike, vajzave iu nis cikli edhe para moshes 11 vjec. Kjo con ne rrezik me te larte per kancerin e gjirit”. Por ama ajo kembengul me nje fakt: qe kanceri i gjirit eshte nje semundje si gjithe te tjerat, qe ka te gjitha mundesite per t’u kuruar dhe nuk duhet pare si fundi i botes.
Dhe jeta vertet mund te vazhdohet: nje jete femerore, nje jete ku ato jane shume te rendesishme per familjet, nje jete me dite te ftohta e dite plazhi, per te cilat duhet te gjejne rrobat e duhura te banjes, nje jete qe vlen aq shume.

Si ta ulesh rrezikun e kancerit te gjirit:

1- Shmang disa kimikate duke u bere me selektive ne produktet e kozmetikes, deodorantet dhe ushqimet qe blini. Shume e rendesishme eshte te shmangni ushqimet shume te perpunuara apo ato me konservues per te perdorur sa me shume te jete e mundur versionin e tyre natyror.
2- Merruni rregullisht me ushtrime per 20-30 minuta tri here ne dite, sepse:
Ushtrimet ulin yndyrnat ne trup, duke pakesuar dhe grumbullimin e estrogjenit dhe vete ushtrimet ulin nivelin e tij.

3- Mos pi shume alkool. Dhe pse disa studiues mendojne se dhe sasi te vogla mund ta rrisin rrezikun per probleme ne gjoks, Dr. Bodai thekson se vera e kuqe ka veti antioksidante te fuqishme, per shkak te polifenoleve qe nxjerrin jashte trupit tone radikalet e lira. Dhe mjedrat jane nje ushqim antioksidant.
4- Ju qe po mendoni ta shtyni shtatzenine per shkak te karrieres, nuk duhet te abuzoni shume. Shtatzenite e hershme kane nje efekt pozitiv, sepse nderpresin rregullsine ciklike mujore dhe mund te ndihmoje per te frenuar grumbullimin e estrogjenit.