NBA starton me emocione te forta

E Marte, 27 Dhjetor 2011 13:37

New York ku Knicks mposhtin Boston Celtics ne nje superndeshje, ndersa ne “Staples Center”, Los Angelos Lakers u mund 87-88 nga Chicago Bulls

Topi i pare i sezonit te rregullt te NBA, qe theu akullin e lock-out-it i cili e reduktoi kalendarin ne 66 ndeshje u ngrit ne “Madison Square Garden” te New York ku Knicks i dhane jete kunder Celtics nje ndeshje plot rivalitet e tension sic demonstroi dhe zenka ku u perfshi Kevin Garnett. Ne nje finale per infarkt njujorkezet u imponuan 106-104 ndaj kampioneve te sezonit 2008 pasi i njejti Garnett nuk arriti te sillte barazimin kur mbeteshin 4 sekonda nga sirena perfundimtare. Pak me pare Carmelo Anthony kishte cuar ne avantazh te zotet e shtepise kur rezultati ishte 104-104. Ishte Anthony ai qe iu dhuroi tifozeve si dhurate per Krishtlindje me nje paraqitje te jashtezakonshme me rekordin e realizuesit me te mire me 37 pike te shenuara. Ne fazen mbrojtese shkelqeu Chandler ndersa te Celtics ku mungonte Paul Pierce spikaten Rajon Rondo me 31 pike dhe Brandon Bass.

Trajneri i Knicks, Mike D'Antoni tha para ndeshjes se me mungesen e Mike Bibit te lenduar, nuk ishte i sigurt se sa ekipi i tij do te ishte ne gjendje te rivalizonte kuartetin Rondo-Allen-Garnett-O'Neill dhe doli se Carmelo Anthony dhe Amare Stodemaier, ishin me teper te karikuar per ndeshje.
“Une nuk mendoj se ne kemi nje ekip te mire, apo se ne jemi me te forte se sezonin e kaluar. Do te bisedojme pas dy ose tre muaj, kur neve mund te na shihni me lehtesi se sa ne te vertete te mire jemi apo jo. A ishte Bostoni me i forti sot? Une shpresoj se jo, sepse veshtire se lojtaret 36-vjecar mund te bejne perparim ne forme,” tha D'Antoni.

Ne “Staples Center” aty ku Los Angelos Lakers u munden 87-88 nga Chicago Bulls ai qe firmosi ishte Derrick Rose. Nje kosh i MVP ne fuqi 4.8 sekonda nga fundi i dhuroi Bullsave fitoren ne debutim pikerisht ne strofullen e Kobe Bryant , te cilit nuk i mjaftuan 28 pike te shenuara dhe topi ne dore kur mbeteshin per tu luajtur dhe pese sekonda per t’i dhuruar trajnerit Mike Brown fitoren e tij te pare ne stolin e Lakers. Kobe ka ne ndergjegje dhe topin e humbur qe i dha start aksionit qe u finalizua me shenimin deciziv te Rose.

Ne takimet e tjera te krishtlindjeve te NBA, Oklahoma City Thunder fitoi 97-89 ndaj Orlando Magic, Chris Paul demonstroi menjehere vleren e tij te Clippers qe triumfuan 105 - 86 ndaj Golden State Warriors, ndersa ne ndeshjen e madhe , perseritje te finales se fundit Miami Heat u hakmorr ndaj Dallas Mavericks duke i mposhtur kampionet ne fuqi 105-94 fale nje LeBron James ne superforme.