Mbremja e NBA-it ka dhuruar emocione ne 10 sfidat e luajtura

E Hene, 09 Janar 2012 11:37

San Antonio regjistron triumfin e gjashte radhazi ne shtepi perballe Denver Nuggets

Ne mbremjen e NBA-se, San Antonio, Dallas, Maiami e New York regjistrojne fitore, ndersa Chicago e Houston humbasin. San Antonio triumfoi me shifrat 121-117 perballe Denver Nuggets. Daniel Green, i cili zevendesoi Ginobilin, me 24 pike dhe dy goditje te lira, ishte arma sekrete e teksaneve qe regjistruan triumfin e gjashte radhazi ne shtepi. Ne anen tjeter, Denverit nuk i mjaftoi prova e jashtezakonshme e Galinarit, qe me 31 piket e tij thjesht krijoi iluzionin e permbysjes, pasi miqte e mbyllen me 20 pike diference pjesen e pare te lojes.
Edhe pse pa Jason Kid dhe Dirk Novitzkin te sfilitur, gjermani realizoi vetem 10 pike ne 30 minuta loje, Dallas nuk e kishte aspak te veshtire te mposhte New Orleans me rezultatin 96-81, duke i shkaktuar Hornets humbjen e gjashte radhazi.

New York Knicks regjistrojne fitoren e dyte radhazi, pasi mposhten pa veshtiresi Detroit Pistons 103-80, fale 22 pikeve te Studemire dhe 16 te Bibit. Fitore te lehte ne shifrat 101-90 regjistroi edhe Maiami me New Jersey Nets. LeBron James me 32 pike ishte lojtari me i mire, duke e udhehequr skuadren drejt fitores se peste radhazi jashte fushe, ku Hit mbeten te pamposhtur.

Philadelphia nuk i ka dhene asnje shans Torontos, duke fituar 97-62, plot 28 pike diference. Chicago Bulls humbi me rezultatin 109-94 perballe Atlantas, ndersa zhgenjen edhe Houston Rockets perballe Oklahoma Cityt. Indiana mposhti Charlote Bobcats 99-77, Los Angeles Clippers fituan 92-86 me Milwaukee Bucks, ndersa Utah Jazz fitoi vetem me nje pike diference, 88-87 me Golden State Warriors.