“Termet” ne stolin e Anglise, Fabio Capello jep doreheqjen

E Enjte, 09 Shkurt 2012 10:54

Trajneri italian pas nje takimi 60-minutesh me kreun e FA David Bernstein ka dhene doreheqjen, duke lene stolin e “tre luaneve” 3 muaj perpara Euro 2012

Federata Angleze e Futbollit ka konfirmuar se Fabio Capello ka dhene doreheqje nga posti i trajnerit te Anglise. Gjithcka ka ndodhur mbreme vone, kur trajneri italian pati nje takim me kreun e Federates Angleze. Gjithcka erdhi pas kundershtise qe trajneri pati per heqjen e shiritit te John Terry. Ai ka dhene doreheqjen naten e mbremshme, duke e lene Angline vetem disa muaj perpara Euro 2012 qe do te zhvillohet ne qershor ne Poloni dhe Ukraine. Largimi i tij pritej ne Angli.

Trajneri italian do te drejtonte “Tre Luanet” deri pas Kampionatit Evropian- Euro 2012, mirepo ai eshte shprehur i pakenaqur me nderhyrjen e bordit te FA per t’ia hequr John Terryt shiritin e kapitenit. Per kete arsye eshte mbajtur nje takim mes kreut te FA, David Bernstein, sekretarit gjeneral Alex Horne dhe Fabio Capellos. Pas takimit qe ka zgjatur rreth nje ore, trajneri italian nuk e ka pranuar nderhyrjen e FA ne punet e brendshme te kombetares dhe ka dhene doreheqjen. Doreheqja e Capellos eshte pranuar dhe ai menjehere do te largohet nga posti i trajnerit. Ai perfitonte 6 milione paund ne vit, nj shifer stratosferike per nje trajner, por Capello nuk ka dashur t’ia dije per parate.

Ne deklaraten e leshuar pas takimit te trajnerit italian me rkeun e federates eshte konfirmuar edhe doreheqja e trajnerit. “Federata e Futbollit konfirmon se Fabio Capello sot (e merkure) ka dhene doreheqje si trajneri Anglise. Kjo vjen pas nje takimi mes kreut te FA, David Bernstein, sekretarit gjeneral Alex Horne dhe Fabio Capellos ne stadiumin Wembley”, thuhet mes tjerash ne nje komunikate te leshuar nga FA. Perplasjet mes tyre ditet e fundit jane shtuar se tepermi kur Capello tha se ishte kunder vendimit te Federates Angleze per t’i hequr atij shiritin e kapitenit per shkak te akuzave per racizem. Mediat angleze qe nga dita e hene e kane kritikuar Capellon per fjalet e thena, nder te tjera: “Jam absolutisht kunder vendimit te FA. Terry eshte kapiteni im”, kane qene fjalet e shkaktuan termet ne stolin e Anglise. Pavaresisht doreheqjes, Bernstein e ka falenderuar Capellon per punen e deritanishme me perfaqesuesen e Anglise. “Ne e kemi pranuar doreheqjen e Capellos dhe e falenderojme ate per punen e bere. Po keshtu i urojme sukses ne te ardhmen e tij”, tha kreu i FA David Bernstein. Diten e sotme Federata Angleze do te dale ne nje konference per shtyp.