Pas pezullimit te etapes se gjashte, rinis Dakar Rally

E Hene, 09 Janar 2012 11:51

Dakar Rally ka rinisur garen pas pezullimit te etapes se gjashte si pasoje e motit te keq, qe kishte perfshire zonat ne kufirin mes Argjentines dhe Kilit. Pas nje dite pushim, organizatoret kane vendosur te vijojne me etapen e shtate, e cila ne kategorine e makinave eshte dominuar nga kampioni ne fuqi Nasser Al-Attiyah.

Princi i Katarit regjistroi kohen me te shpejte ne etapen 419 kilometra, duke e ndalur kronometrin ne 3 ore 26 minuta e 57 sekonda. Piloti i Hummer kaloi finishin 7 minuta e 30 sekonda me shpejt se shoku i tij i skuadres amerikani, Robby Gordon. Ky sukses nuk ka ndihmuar ne klasifikimin e pergjithshem, i cili vazhdon te kryesohet nga francezi Stephane Peterhansel, qe ne etapen e shtate u rendit ne vendin e trete.

Kategoria e motoreve vazhdon te njohe dominimin e francezit Ciry Despres, megjithese ishte spanjolli Marc Coma, ai qe regjistroi kohen me te shpejte ne etapen e fundit te Dakar Rally. Piloti i KTM la pas me me shume se dy minuta shokun e tij te skuadres Cyril Despres. Gjithsesi, vendi i dyte mund te quhet nje sukses per francezin, qe ka ruajtur vendin e pare ne renditjen e pergjithshme te ketij edicioni te Dakar Rally.