Espargaro siguron fitoren, Marquez kryesimin

Moto2

Espargaro siguron fitoren, Marquez kryesimin

Pol Espargaro ka marre nje fitore te mrekullueshme ne Moto2 ne Silverston. Spanjolli me Pons Kalex e nisi garen nga pole position, por ne start e gjeti veten pas britanikeve Bradley Smith me Tech 3 dhe Scott Redding me Marc Kalex. Nderkohe qe Smith e uli ritmin shume shpejt, Redding arriti te ruaje kryesimin deri ne mesin e gares, por kur kishin mbetur edhe 11 xhiro nga fundi Espargaro beri levizjen e tij per parakalim dhe me pas u shkeput ndjeshem dhe mori fitoren.

Pas Espargaro, Redding dhe Marc Marquez me Monlau Suter kane luftuar per vendin e dyte. Kjo dyshe kembeu disa here pozicionet, por ne fund Redding beri mjaftueshem per te ruajtur vendin e dyte, nderkohe qe Marquez mori kryesimin e kampionatit me vendin e trete. Andrea Iannone me Speed Master ka marre vendin e katert edhe pse ne momentet e fundit eshte sfiduar forte nga Simone Corsi me Ioda FTR, i cili e mbylli garen ne vendin e peste.

Smith, edhe pse beri nje start shume te mire te gares, perfundoi ne vendin e shtate, i parakaluar edhe nga Claudio Corti me Italtrans Kalex, i cili perfundoi i gjashti. Ish-kryesuesi i kampionatit, Thomas Luthi me Paddock Suter ka marre vendin e tete. Dhjeteshja e pare eshte mbyllur me Dominique Aegerter me Technomag dhe Mika Kallio me Marc Kalex.

Renditja e Cmimit te Madh te Britanise, Moto2:

1. P. Espargaro Pons Kalex 38m29.792
2. S. Redding Marc Kalex + 1.462
3. M. Marquez Monlau Suter + 1.521
4. A. Iannone Speed Master + 2.851
5. S. Corsi Ioda FTR + 3.803
6. C. Corti Italtrans Kalex + 7.109
7. B. Smith Tech 3 + 7.627
8. Th. Luthi Paddock Suter + 7.669
9. D. Aegerter Technomag + 15.847
10. M. Kallio Marc Kalex + 20.179

Moto3

Vinales lufton forte per suksesin ne Silverstone

Maverick Vinales ka marre nje fitore dritheruese ne Cmimin e Madh te Britanise ne garen e Moto3. Piloti me Avintia FTR-Honda e nisi garen nga pole position, por ne fazen e pare te gares ishin nente motore qe po luftonin per kryesimin. Kur kishin mbetur edhe gjashte xhiro nga fundi, ne gare per fitoren mbeten vetem tre pilote: Vinales, Luis Salom me Kalex-KTM dhe Sandro Cortese me Ajo KTM.

Edhe pse diferenca mes tyre ishte e paperfillshme, Vinales parakalon Salom ne kthesen e pare te xhiros se fundit dhe nuk e ktheu me koken pas deri ne perfundim te xhiros qe e shpalli fitues. Salom mund te kishte fituar garen ne xhiron e fundit, por pas Vinales e parakaloi edhe Cortese, duke e zbritur ne shkallen e fundit te podiumit.

Megjithate Salom nuk u dorezua dhe beri nje perpjekje te fundit per vendin e dyte, perpjekje e cila rezultoi e suksesshme. Pas treshes se kreut, beteja per vendin e katert ka qene shume e ngjeshur. Louis Rossi me FTR Honda ka qene favorit, por eshte rrezuar ne xhiron e parafundit.

Kjo i dha mundesine Alexis MAsbou me Caretta Honda qe te merrte vendin e katert, nderkohe qe pas tij erdhen me radhe Efren Vasquez me Laglisse Honda, Danny Kent me Ajo KTM dhe Romano Fenati me Italia FTR Honda. Dyshja me Ajo KTM, Arthur Sissis dhe Zulfhami Khairuddin ka luftuar per vendin e tete, kurse Miguel Oliveira me Monlau Honda ka marre nje vend te dhjete te qete.

Renditja e Cmimit te Madh te Britanise, Moto3:

1. M. Vinales FTR Honda 38m55.210
2. L. Salom Kalex KTM + 0.933
3. S. Cortese KTM + 1.023
4. A. Masbou Honda + 8.100
5. E. Vazquez Honda + 8.414
6. D. Kent KTM + 8.637
7. R. Fenati FTR Honda + 8.940
8. A. Sissis KTM + 9.046
9. Z. Khairuddin KTM + 9.208
10. M. Oliveira Suter Honda + 15.613