Djokovic dhe Kvitova me te miret e vitit

E Merkure, 14 Dhjetor 2011 10:14

Federata Nderkombetare e Tenisit shpalli lojtaret me te mire te vitit si per femra ashtu edhe per meshkuj. Sigurisht qe tenisti me i mire i vitit u shpall Novak Djokovic, i cili u be keshtu i pari tenist qe fiton kete cmim qe nga viti 2003, pas dominimit te dyshes Federer-Nadal.

24-vjecari serb perjetoi 12 muaj te paharrueshem dhe pas triumfit ne kupen Davis ne fund te vitit te shkuar e filloi sezonin me nje ecuri fenomenale dhe ndoshta te paperseritshme duke regjistruar 43 fitore radhazi, per ta mbyllur me pas me plot 3 tituj te medhenj te Grand Slamit ne: Australian Open, Wimbledon dhe US Open.

Nole e perfundoi vitin ne vendin e pare ne renditjen ATP i shkeputur ndjeshem nga ndjekesit duke koleksionuar 10 tituj gjate ketij viti, gjate te cilit regjistroi 70 fitore dhe vetem 6 humbje, e duhet ritheksuar fakti se 4 prej tyre i pesoi ne muajin e fundit te sezonit ku padyshim ndikuan ndjeshem edhe problemet fizike per shkak te kalendarit te ngjeshur. Te femrat lojtarja me e mire e vitit u shpall Petra Kvitova e cila la prapa tenisten Caroline Wozniacki. Tenistja daneze pavaresisht se udheheq ende klasifikimin e pergjithshem ne WTA u mund nga Kvitova, e cila u be keshtu e para lojtare nga Cekia qe fiton kete cmim, pas te famshmit Ivan Lendl qe 21 vjet me pare nderohej ne po te njejten menyre.

21-vjecarja koleksionoi titullin e pare Slam ne karriere, teksa mposhti ne finalen e Wimbledonit rusen Maria Sharapova, ndersa me pas dha nje kontribut te jashtezakonshem per Cekine ne finalen e Federation Cup e cila u fitua brenda ne Moske. Megjithate formen e saj te mire Kvitova e konfirmoi duke triumfuar ne WTA Tour Championships ose turneun e fundvitit ku arriti t’i fitoje te gjitha takimet. Vellezerit Bob dhe Mike Bryan e fituan kete cmim ne lojen dyshe per meshkuj per te teten here ne 9 vitet e fundit, nderkaq te njejtin vleresim per lojen ne cift te femrat e mori dyshja Kveta Peschke dhe Katarina Srebotnik.

Pikerisht diten e shpalljes se emrave me te mire te vitit 2011 Rafel Nadal ka dhene nje deklarate per agjencine e lajmeve DPA ne te cilen ka theksuar se vitin e ardhshem nuk e mendon aspak si nje vit hakmarrje ndaj tenistit qe i rrembeu fronin dhe e mundi ne 6 finale, serbit Novak Djokovic, por thjeshte per te kaluar vetveten. 25-vjecari spanjoll tha se e respekton punen qe bejne psikologet por problemi i tij eshte i brendshem dhe deshiron qe te eci perpara dhe per te luajtur tenis nuk ka absolutisht nevoje per nje psikolog. Sezoni i ri i tenisit si per meshkuj ashtu edhe per femra do te hapet me daten 2 janar ne Brisbane te Australise.