Toyota nderpret eksportin e automobilave ne Iran

E Merkure, 11 Gusht 2010 16:59

Toyota ka nderprere eksportin e makinave te saj drejt Iranit, ne harmoni te plote me sanksionet qe nderkombetaret i kane vene shtetit islamik per shkak te mosemarreveshjeve mbi pasurimin e uraniumit. Ne nje deklarate zyretare prodhuesi japonez deklaron se jane nderprere te gjitha eksportet drejt Iranit duke patus parasysh situaten nderkombetare dhe sanksionet. Kjo iniciative mund te replikohet edhe nga eksportuesit e tjere japoneze.

Ne vitet e fundit Toyota e kishte reduktuar ndjeshem prezencen e saj ne Iran, ne 2009 kishte shitur vetem 250 makina kundrejt 4000 ekzemplareve te 2008. Sipas te perditshmes ekonomike Nikkei, Toyota mund te vazhdonte tregetine me Iranin edhe pa shkelur sanksionet nderkombetare, por gjiganti japonez i automobilave eshte lider ne tregun amerikan ndaj dhe ka preferuar te nderprese krejtesisht marredheniet pasi te gjitha firmat qe vazhdojne te bashkepunojne me Iranin shihen me mosbesim nga qeveria amerikane.