Telefonet Blackberry krijojne alarm mes disa qeverive te botes arabe

E Marte, 17 Gusht 2010 13:02

Nje numer vendesh po shprehin shqetesimin se teknologjia e koduar ne telefonet Blackberry u ben te mundur terroristeve qe te komunikojne lirisht pa pasur frike se mund te zbulohen nga forcat e rendit. Zyrtaret qeveritare ne Arabine Saudite dhe ne Emiratet e Bashkuara Arabe kane kercenuar te nderpresin disa sherbime me mesazhe te Blackberry-it ne rast se Research in Motion, kompania kanadeze qe prodhon kete telefon, nuk u jep atyre te drejten te shikojne mesazhet e koduara, kerkese kjo qe shqeteson mbrojtesit e se drejtes dixhitale.

Megjithe mirenjohjen per gratacielat e teknologjise se larte dhe lehtesite e jetes moderne, perdorimi i disa teknologjive po krijon alarm ne ekonomite me te medha te botes arabe.

Arabia Saudite dhe Emiratet e Bashkuara Arabe po kerkojne qe prodhuesi kanadez i telefoneve celulare, Research in Motion t’i lejoje te hyjne ne informacionet e perdoruesve te telefoneve Blackberry perndryshe rrezikon pezullimin e sherbimit per shkembimin e mesazheve elektronike.
Analisti Ben Wood i firmes se teknologjise CCS Insight thote se kjo eshte nje situate e veshtire per nje kompani qe krenohet per sherbime mesazhesh, qe sigurojne privacine e perdoruesve.

"Siguria eshte stampa e telefonit Blackberry dhe kompania duhet te sigurohet se kjo nuk preket. Megjithate, eshte e qarte se ata nuk mund te lejojne efektin domino te qeverive dhe autoriteteve rregullatore, qe thone se nuk do te lejojne perdorimin e ketyre sherbimeve".
India dhe Indonezia jane mes nje grupi vendesh te tjera qe kane shprehur shqetesim rreth sherbimeve te kompanise Research in Motion per shkak te kercenimeve ndaj sigurise kombetare, sic shprehen ato. Zyrtare te qeverise amerikane thone se keto shqetesime jane legjitime, por perkrahesit e te drejtave dixhitale shqetesohen per abuzime te mundshme, vecanerisht nga regjimet autoritare.

Leslie Harris eshte presidente e Qendres per Demokraci dhe Teknologji ne Uashington.
"Ne Emiratet e Bashkuara Arabe, i gjithe ky debat filloi sepse njerezit po perdornin mesazhet ne Blackberry per t’u organizuar pa qene nevoja qe te leviznin duke perdorur karburantin me cmim te larte ne vend, megjithese kjo mund te tingelloje ironike. Pra ky ishte nje organizim politik dhe nuk mendoj se ka te beje me sigurimin kombetar".

Thuhet se ne diskutimet mes Arabise Saudite dhe prodhuesit te Blackberry-it eshte bere perparim, por sauditet i kane dhene kompanise afat deri ne tetor qe te pergjigjet.

Zonja Harris thote se e drejta individuale e privacise eshte ne rrezik dhe konsumatoret duhet te jene te vetedijshem se cdo gje qe hyn ne komunikimet elektronike mund te perdoret kunder tyre.

"Nuk behet fjale vetem per te drejten e qeverise qe te shikoje shkembime mesazhesh, por eshte edhe ana e saj ligjore. Ka pasur raste kur jane hapur shkembime te tilla informacioni kur behet fjale per nje divorc apo per te drejten e rritjes se femijes".
Zonja Harris thote se debati rreth Blackberry-it eshte i vlefshem nese i ben njerezit te mendohen mire para se te publikojne dicka ne Internet, madje mund te jete i dobishem nese behet nxitje qe qeverite te zbatojne rregulla me te ashpra.

Qendra per Demokraci dhe Teknologji po lobon per ndryshime ne ligjet e komunikacionit elektronik ne Shtetet e Bashkuara per te kufizuar aftesine e qeverise qe te hyje ne te dhenat personale, me perjashtim te rasteve kur mund te provoje se eshte ne rrezik sigurimi kombetar. Kjo qender thote gjithashtu se kompanite si Research in Motion duhet te jene me transparente ne marreveshjeqe arrijne me qeverite ne menyre qe konsumatoret te jene ne dijeni te rreziqeve.