Eskluzive/Pushime pa viza edhe ne Sardenja, Sicili, Krete…

E Shtune, 12 Shkurt 2011 15:22

Kane filluar te behen gati qe tani paketa te pasura turistike verore. Edhe pse ne kujtohemi gjithmone me vonese per prenotime. Por, ne fakt, ato behen edhe nje vit, gjashte muaj ose minimalisht 3 muaj perpara shumekund. ‘Eshte per t’u habitur se si i bejne prenotimet ditet apo muajin e fundit.”, thote Albana Nanaj, me pervoje ne Itali si menaxhere turizmi, e qe tani ka hapur nje simoter ne Tirane. 
E per t’i paraprire sezonit, pas liberalizmit te vizave disa menaxhere te mencur tani mund te sajojne cfare te duan per dimer apo per vere. Dhe meqe pergatitjet per veren fillojne qe ne dimer, po gatiten edhe top destinacionet me te lakmuara te Europes elitare. Sardenja, per shembull, ishulli i pushimeve te lakmuara dhe tejet e frekuentuar, do te jete nje nga vendet e ardhshme qe agjencite tona do t’iu propozojne shqiptareve per veren 2011. Kane prenotuar edhe hotele eskluzive. “Kuptohet ne Sardenja nuk mund te ofrosh ne paketa hotele me 5 yje si ne Antalia, sepse eshte me shtrenjte, por me 3 yje”, thote Nanaj. 
Sipas saj, Sardenja eshte shume e mire edhe per te kaluar muajin e mjaltit te sapomartuarit apo ne qershor apo shtator edhe per familjaret, pasi cmimet ne kete periudhe ofrohen me te uleta; 600 euro/njeri per nje jave dhe femijet nen 18 vjec mund te perfshihen edhe falas.
Sipas administratorit turistik, Kliton Gerxhani, Europa si destinacion ka nje koncept te ndryshem nga Antalia ku cdo gje eshte all/incluse dhe per rrjedhoje ka pak motiv per te dale prej hotelit, por edhe te dalesh ke pak cfare te shohesh dhe te besh. Ndersa, me makine te imbarkuar apo te marre me qira ne Itali mund te shetitet prej andej ngado. Europa ofron shume histori me objekte muzeale, koncerte artistike, argetim, dhe vlen per ata qe duan sidomos pushime aktive dhe jo pasive sic ofron Turqia apo ishuj si Maldive e Mauritius. Kete mendojne ata qe per veren e 2011-es propozojne ishujt italiane; Sardenjen, Korsiken, Iskian, Elben, Siciline me ishujt e vegjel egjeane, ishujt greke si Kreta, Rodos, apo simbolikat e turizmit spanjoll; Ibiza dhe Majorka. Te gjitha keto do te mbushin posterat e sezonit te ardhshem veror bashke edhe me te perhershmet Antalia, Sharm El Sheik, Mali i Zi, Kroacia etj. Por kush do ta fitoje garen, tani qe garuesit jane shtuar edhe me pretendente te fuqishem?  “Vitin e pare them se do te jene te coroditur. Them se turisti i te ardhmes do te kerkoje edhe det, edhe kulture dhe histori. Dhe Antalia nuk ia ofron keto te gjitha. Ndaj them se kete vere ndoshta ajo do te braktiset pak.”, thote Albana Nanaj. “Ose do te bejne dy lloj pushimesh, nje jave ne Antalia dhe nje jave ne Europe. Por te rinjte shqiptare une nuk i shoh me ne Antalia”, shpjegon Kliton Gerxhani.