"La Repubblica": "Shqiperia ne vend te pare per pushime"

E Shtune, 21 Maj 2011 18:05

Gazeta numer nje ne Itali “La Repubblica” ka nxjerre ne faqet kryesore te saj emrin e Shqiperise. Duke iu referuar pushimeve turistike. E permend vendin tone te parin ne listen e vendeve te preferuara, por edhe me ekonomike se ku mund te pushosh. Duke e shoqeruar edhe me nje foto nga Ksamili, te cilin gabimisht e emerton: Dhermiu.

Dhe ja se cfare thuhet konkretisht ne gazeten prestigjioze: “Nese vendi ne fjale ju sjell nder mend ende barkat e ngarkuara me refugjate dhe luftrat ne Ballkan, eshte i nevojshem nje ristilizim. Mes plazheve te brigjeve te Adriatikut dhe te Jonit, maleve dhe kryeqytetit Tirana, Shqiperia sipas Lonely Planet ze me te vertete vendin e pare mes  top vendeve per 2011. Mes udhetimeve te preferuara eshte rruga nga Korça ne Gjirokaster dhe nga kufiri grek mund te ngjitesh drejt Dhermiut duke pare gjithe brigjet e Jonit, Adriatikut edhe me pyje shoqeruese.”.

Pas Shqiperise te tjera vende te keshillueshme renditen: Portugalia, Emiratet e Bashkuara Arabe, Irlanda, Lituania, Qipro e Veriut, Argjentina, Shtetet e Bashkuara te Amerikes, Malajzia, Rumania.